მისია
წარმოების დონისა და ეფექტურობის შენარჩუნებით, ბაზარზე განახლებადი ენერგიის ძირითად წყაროდ დარჩენა. ამავდროულად, ენგურჰესი არის ბუნებრივი პლატფორმა, სადაც ქართველები და აფხაზები წარმატებით თანამშრომლობენ.
კომპანია
მისია და ხედვა
ენერგია • პასუხისმგებლობა • ერთიანობა • პროგრესი
ხედვა
ჩვენ გვჯერა და გვწამს, რომ ჰიდროელექტროსადგურები ბუნებასთან ჰარმონიაში უნდა არსებობდნენ. ჩვენი მიზანია, მდგრადი სოციალურ-ეკონომიკური განვითარების კონტექსტში, განახლებადი ენერგიის მთავარი წყაროს სტატუსი შევინარჩუნოთ. ამავე დროს, ორიენტირებული ვართ, მაქსიმალურად ვიზრუნოთ გარემოზე, რაც ადგილობრივ ეკოსისტემაზე ზემოქმედების შემცირებასა და წყლის რესურსების პასუხისმგებლობით გამოყენებას გულისხმობს.
ფასეულობები
რაზე ვდგავართ
გამბედაობა (შემართება)
ქართულ-აფხაზურმა კონფლიქტმა ჩვენ, ენგურჰესელებს, ნათლად დაგვანახა, რომ არ არსებობს სიტუაცია, რომელსაც ერთობლივად ვერ გავუმკლავდებით.
სიახლეებისადმი მზადყოფნა (ინტერესი)
ჩვენ მუდმივად ვეძებთ სიახლეებს ჰიდროენერგიის გენერაციაში, ვიკვლევთ მათ ეფექტურობას და ვცდილობთ აღნიშნული სიახლეების პრაქტიკაში დანერგვას.
პასუხისმგებლობა
ვმოქმედებთ შინაგანი პასუხისმგებლობით და არა მხოლოდ ვალდებულებით.
გუნდურობა
ჩვენ გვჯერა, რომ მნიშვნელოვანი შედეგები მხოლოდ ერთობლივი ძალისხმევით მიიღწევა! ერთად უკეთესია! ძალა ერთობაშია!
ერთსულოვნება (ერთიანობა)
გვჯერა, რომ პატიოსნება და სანდოობა არის გასაღები ისეთი გარემოს შესაქმნელად, სადაც ადამიანები თავიანთი საუკეთესო თვისებებისა და შესაძლებლობების გამოვლენას შეძლებენ.
გამჭვირვალობა
ორგანიზაციის ყველა რგოლს შორის არსებული ურთიერთობები არის ღია და გამჭვირვალე.